انا رحّ غَنّيك ! ، *

يمكن يروح
متل ماغيرو راح !
ويمكن يرجع
ويمكن لأ
رح يطير ..
حَ يطير !
ويكبر ويصير شجرة
ويتعلّق على السطح
ومزهرية يصير
وحبّة قمح


**
شوفي ليش بتبكي ؟
استني احط هالدمعة برغيف ..
شو القصة خبريني ؟ :

- البلد ماعادت متل اول
قصدك العصافير راحت ؟
- يمكن ..
طيب في : انتي
- بس مافي سما لتطير هالطيارة
بس في انتي .. !
بكرة بيرجع العصفور استنيه بدو يصير حبّة قمح ..
- فكرك؟ وهو شو ? ما الو بلد ؟
لا الو .. والو سما وحارات ع قدو ستنيه
- موافقة ، بستناه وبستناك .. اوعى تغيب
يمكن ما اغيب !
بس قبل ماتشتي احكيلي : بتحبيني ؟
- يمكن



\



ليش كلّ حدا بيشبه حدا ؟
كلّ صبية بهالحارة بصادفها بتشبه حدا انه شو القصة ليش في كتير وجوه بتمشي بالشارع ؟


برضو مش عارف
__
،






* " لما الليل يصير سروة .. سروة طويلة وتعلا عليك .. خلي ايديك يصيرو جناح .. جناح النسر يصيرو ايديك " * باسل زايد - لما الليل